Мемлекеттік сатып алудың шарттары орындалған

ОҚО МАЭС-ның шешімімен талапкер Оңтүстік Қазақстан облысы әкімдігі денсаулық сақтау басқармасының «Бәйдібек аудандық орталық аурухана» мемлекеттік коммуналдық қазыналық кәсіпорнының жауапкер «Алат» жауапкершілігі шектеулі серіктестігін мемлекеттік сатып алудың жосықсыз қатысушысы деп тану туралы талабы толық қанағаттандырусыз қалдырылған.

Сот отырысында жауапкердің шарт бойынша барлық міндеттемелерді орындап, талапкердің нысанды толығымен қабылданғаны анықталды.

Бұл қарастырылып отырған жағдайда шартты мерзімінен кешіктіріп орындау тапсырыс беруші үшін елеулі жағымсыз салдарға әкеліп соқтырмаған.