жм, 12/12/2014 - 19:03
Шымкент қаласының мамандандырылған әкімшілік сотының 10.12.2014 жылғы қаулысымен Шымкент қаласының тұрғыны Қ.Ж. Қазақстан Республикасы ӘҚБтК-нің 79-5-бабының 1-бөлігінде көрсетілген әкімшілік құқық бұзушылықты жасап, әйелімен бітімгершілікке келуіне байланысты Қазақстан Республикасы ӘҚБтК-нің 71-1-бабының 1-бөлігінің негізінде әкімшілік жауапкершіліктен босатылып, ол жөніндегі іс өндірістен қысқартылды.
Сот мәжілісінде істі қарау барысында құқық бұзушы Қ.Ж. 2014 жылғы 27 қарашада сағат 00:30 минут шамасында алкогольмен мас күйінде өзінің тұрғын үйінде әйелі А.А-ны.былапыт сөздермен балағаттап, ар-намысын кемсітіп, жанұя тыныштығын бұзғандығы анықталған.
Сотта құқық бұзушы Қ.Ж. өзінің айыбын толық мойындап, жәбірленушіден кешірім сұрайтынын көрсетті.
Сотта жәбірленуші А.А. өзінің күйеуімен бітімгершілікке келуіне байланысты К.Ж.-ны әкімшілік жауапкершіліктен босатуды сұрады.
Қаулы заңды күшіне енбеген.