Ср, 05/02/2014 - 15:21
Үздік журналистік жұмысқа байқау жарияланды
Жалпы ережелер
Соттардың бұқаралық ақпарат құралдарымен өзара тиімді ықпалдастығы – бұл қоғам мен азаматтардың мүдделерін күзетудің өркениетті қызметтестігінің моделі. Сот қызметінің басым бағыты сот ақпаратына қолжетімділік және ашықтық қағидатына сәйкес істерді қарау болып табылады. Соттардың күрделі қызметін, судьялардың жеке басының қасиеттері мен кәсіби біліктілігін танытуда бұқаралық ақпарат құралдарының алар орны ерекше.
Соттардың қызметі туралы азаматтардың ақпарат алу деңгейін көтеру, олардың тартысты оқиғаларды құқықтық әдіспен шешуге сенімін арттыру, судьялардың тәуелсіздігін қамтамасыз ету мәселелеріне бұқаралық ақпарат құралдарының назарын аудару, судья лауазымына білікті кадрларды дайындау мақсатында Қазақстан Республикасының Судьялар одағы, Қазақстан Республикасының Журналистер одағы, «Әділ сөз» сөз бостандығын қорғау халықаралық қоры сот қызметін үздік көрсеткен журналистік жұмыстарға конкурс жариялайды.
Конкурстың номинациялары
Конкурс мынадай номинациялар бойынша өткізіледі:
а) республикалық баспасөз беттерінде сот қызметін үздік көрсету;
б) аймақтық баспасөз беттерінде сот қызметін үздік көрсету.
Конкурс талаптары
Конкурс республикалық және аймақтық баспасөз басылымдары арасында бөлек өткізіледі.
Конкурсқа ұсынылатын материалдар 2014 жылғы 1 ақпаннан 20 қараша қоса есептелген кезеңде баспа беттерінде жариялануы тиіс.
Конкурсқа қоғамда заңдылықты және тәртіпті нығайтудағы сот қызметі және оның рөлі, сот процестерінің тәрбиелік және алдын алу-профилактикалық рөлі, моральдық-адамгершілік тақырыбындағы очерктер, сот тәуелсіздігін қамтамасыз ету, олардың мәртебесін нығайту мәселелері туралы басылымдар, сондай-ақ, қоғам игілігіне жұмыс істеп жатқан Фемида қызметкерлерінің ауыр, сонымен бірге, мәртебелі еңбегін ашатын материалдар қабылданады.
Конкурсқа қатысу үшін талапкерлер конкурстық номинацияның атауын, материалдың атауын, жарияланған датасын, қысқаша аннотациясын, авторы туралы мәліметтерді (А.Т.Ә., жұмыс орны, кәсібі, тұрғылықты жері, телефон номері, электрондық адресі) өтініш (еркін, өз қолымен) жазады.
Өтінішке қосымша ретінде автор материалы жарияланған газет немесе журнал түпнұсқада немесе редакциялық баспа куәландырған ксерокөшірме, сондай-ақ, электрондық нұсқада (CD-дискіде) ұсынылады.
Жұмыстар екі тілде: қазақ және орыс тілінде қабылданады.
Материалдар басылып шығуына байланысты «конкурсқа» белгісімен конкурстың республикалық және облыстық қазылар алқасына жіберіледі.
Конкурстың қорытындысын шығару
Республикалық басылымдарға арналған конкурстың қорытындысын шығаруға республикалық қазылар алқасы құрылады, ал, аймақтық БАҚ үшін облыстық қазылар алқасы құрылады, олардың құрамына сот қауымдастығының, Журналистер одағының және «Әділ сөз» қорының өкілдері кіреді. Қазылар алқасының дербес құрамы аталған ұйымдардың басшыларының ұсынысы бойынша құрылады.
Конкурстың қорытындысы 2014 жылғы 1 желтоқсанға дейін шығарылады.
Республикалық және облыстық қазылар алқасы үш жүлделі орынды анықтайды және жеңімпаздарды марапаттайды. Республикалық қазылар алқасы ақшалай сыйлықтарды мынадай мөлшерде бекітеді:
Бірінші орынға – 250 мың теңге;
Екінші орынға – 150 мың теңге;
Үшінші орынға – 100 мың теңге.
Облыстық қазылар алқасы марапаттау мөлшері мен түрін өздері дербес анықтайды.
Республикалық және облыстық қазылар алқасы ақшалай сыйлықтардан бөлек жеңімпаздарға басқа да ынталандыру сыйларын бекітуі мүмкін.
Республикалық қазылар алқасының орналасу мекенжайы: Астана қ., Д.Қонаев көшесі, 39 үй, электрондық мекенжайы union96@bk.ru.
Облыстық қазылар алқасының орналасу орны – Судьялар одағының облыстық филиалдары.