Дс, 23/01/2017 - 14:45
Шымкент қаласы Қаратау аудандық сотында Жол қозғалысы ережелерін бұзу салдарынан жол көлік оқиғасын жасап, нәтижесінде жәбірленуші Е.К.-нің денсаулығына абайсызда ауыр зиян келтірген сотталушы Н.А.-ға қатысты қылмыстық іс қаралды.
Сот талқылауы барысында, сотталушы Н.А. өзінің басқаруындағы автокөлігімен Шымкент қаласының Жібек жолы көшесінің бойында келе жатып, Қазақстан Республикасының «Жол жүрісі қағидаларының» 9-бөлімінің 2-тармағында және 10-бөлімінің 1-тармағында көрсетілген талаптарды өрескел бұзып, яғни жолдың қарсы бағытта жүруге арналған бөлігіне шығып, қарама-қарсы бағытта келе жатқан «Volkswagen Golf» маркалы автокөлігіне соқтығысып, жол-көлік оқиғасын жасағаны анықталды.
Cот қаулысымен аталған қылмыстық іс тараптардың медиация тәртібімен татуласуына байланысты өндірістен қысқартылып, сотталушы қылмыстық жауапкершіліктен босатылды.
Қаулы заңды күшіне енді.