Сот жүйесінің ардагерлері туралы

Бекназаров Айтжан 28 наурыз 1922 жылы дүниеге келген. Еңбек жолын 1940 жылдан Төлеби ауданы 1 мамыр орта мектебінде тарих-география пәнінің мұғалімі қызметінен бастаған.
1941 жылы Ұлы Отан соғысы басталған соң әскер қатарына алынып, Тараз қаласында жасақталған 105 қазақ ұлттық атты әскер дивизиясында штат байланысшы болған. 1942 жылы тамыз айында атты әскер таратылып артиллерия полктері жасақталған. Осыдан соң 152 «гаубица» артиллериялық полкінің бесінші батареясының аға барлаушысы болып тағайындалған. Иванов облысы, Гороховец лагерінде екі ай жедел жаттығудан кейін 25 қазан 1942 жылы Сталинград майданына жөнелтілген. Полк 19 қараша 1942 жылы Сталинградтағы фашистік Германия әскерін қоршауға алу мақсатындағы  соғыс қимылдарына қатысқан. Осыдан соң полк 3-ші Украина майданында жаудан елді азат етуге қатысқан. 1943 жылы Днепрден өтіп оның арғы жағындағы «плацдарм» алу шайқасында көрсеткен ерлігі үшін «За отвагу» медалімен марапатталған. 1945 жылы наурыз айында «За боевую заслугу» медалімен, 1945 жылы жеңістен кейін II дәрежелі «Отан соғысы» орденімен марапатталған. 1947 жылдың қыркүйек айында Алматыдағы 2 жылдық «Заң мектебіне» түсіп, оны 1948 жылы желтоқсан айында мерзімінен бұрын бітіріп, Шымкентте адвокат қызметін атқарған. 1951 жылдың қаңтар айынан бұрынғы Ильич, қазіргі Мақтарал аудандық сотында судья болып сайланған. Осы ауданда 1982 жылы маусым айына дейін судья қызметін атқарып, зейнетке шыққан. Зейнетте жүргенде 4 кітап жазып оны баспадан шығарды. «Отан соғыс» «Ерлігі үшін», «Әскери еңбегі үшін» орден медалдарымен марапатталған. Оңтүстік Қазақстан облысының 80 жылдығына және облыстық сот ғимаратының ашылу салтанатына орай, ұзақ жылдар бойы сот саласында жұмыс істегені үшін «Құрметті судья» медалімен марапатталған.
 

Тойжанов Дилдабек, 22 наурыз 1937 жылы Чимкент облысы Cозақ ауданында туылған. Заң саласындағы еңбек жолын 1955 жылдың мамыр айынан 1956 жылдың тамыз айы аралығында Оңтүстік Қазақстан облысы Шаян аудандық халық сотының хатшысы қызметінен бастаған. 1956 жылдың тамыз айынан 1961 жылдың маусым айы аралығында С.М.Киров атындағы Қазақ Мемлекеттік университетінің студенті, 1961 жылдың тамыз айынан 1962 жылдың маусым айы аралығында Оңтүстік Қазақстан облысы Пахтаарал аудандық прокуратурасының тергеушісі, 1962 жылдың маусым айынан 1966 жылдың қаңтар айы аралығында Оңтүстік Қазақстан облысы Кентау қалалық прокуратурасының тергеушісі, 1966 жылдың ақпан айынан 1967 жылдың қаңтар айы аралығында мемлекеттік қауіпсіздік комитетінің жоғарғы курсанттар дайындайтын мектебінің тыңдаушысы, 1967 жылдың қаңтар айынан 1971 жылдың наурыз айы аралығында Шымкент облыстық мемлекеттік қауіпсіздік комитетінің жедел уәкілі, аға жедел уәкілі, аға сарапшысы, 1971 жылдың наурыз айынан 1976 жылдың қазан айы аралығында Шымкент облыстық партия комитетінің әкімшілік органының инструкторы, 1976 жылдың қазан айынан 1982 жылдың қаңтар айы аралығында Қазақ ССР-нің Шымкент көлік прокуратурасының прокуроры, 1982 жылдың қаңтар айынан 1985 жылдың желтоқсан айы аралығында Шымкент облыстық партия комитетінің әкімшілік органдарының бөлім меңгерушісі, 1985 жылдың желтоқсан айынан Оңтүстік Қазақстан облыстық сотының мүшесі қызметтерін атқарған. Құқық қорғау саласында, оның ішінде сот жүйесінде қызмет атқарған, соттың қоғамдық жұмыстарына белсене араласқан ардагер.
 

Темір Өмірбек Тамірұлы 31 шілде 1943 жылы Оңтүстік Қазақстан облысы, Төлеби ауданында дүниеге келген. Заң саласындағы еңбек жолын 1965 жылдың ақпан айынан Алматы облыстық сотының сот мәжілісінің хатшысы қызметінен бастаған. 1968 жылдың шілде айынан 1970 жылдың шілде айы аралығында Алматы облысы, Кеген аудандық прокуратурасының тергеушісі, 1970 жылдың тамыз - желтоқсан айлары аралығында Оңтүстік Қазақстан облыстық сотының кеңесшісі, 1970 жылдың желтоқсан айынан 1981 жылдың қазан айы аралығында Сарыағаш аудандық халық сотының судьясы, 1981 жылдың қазан айынан 1983 жылдың сәуір айы аралығында Оңтүстік Қазақстан облыстық партия комитетінің нұсқаушысы, 1983 жылдың сәуір айынан 1987 жылдың наурыз айы аралығында Оңтүстік Қазақстан облысы Әділет басқармасы бастығының орынбасары, 1987 жылдың наурыз айынан 1995 жылдың қазан айы аралығында Оңтүстік Қазақстан Арбитраждық сотының бас төрешісі, 1995 жылдың қазан айынан 1996 жылдың желтоқсан айы аралығында ОҚО сотының шаруашылық істер жөніндегі алқа төрағасының міндетін атқарушы, 1996 жылдың желтоқсан айынан 2007 жылдың маусым айлары аралығында ОҚО сотының судьясы қызметтерін атқарған. Қазақстан Республикасы Жоғарғы Соты Төрағасының «Құрмет грамотасымен», облыстық сот төрағасының «Құрмет грамотасымен» марапатталған. Сот саласында ұзақ жылдар бойы төраға, судья лауазымын абыроймен атқарып, сот жүйесінің қалыптасуына үлесін қосқан және қоғамдық жұмыстарға белсене араласатын ардагер. 2008 жылдан бастап Оңтүстік Қазақстан облысының ардагер судьялар кеңесінің төрағасы болып табылады.  
 

Жусіпов Айдар 19 мамыр 1938 жылы Оңтүстік Қазақстан облысы, Төлеби ауданында дүниеге келген. Еңбек жолын 1959 жылдың маусым айынан Ташкент облысы, Ворошилов колхазының экономисі қызметінен бастаған. 1960 жылдың маусым айынан 1961 жылдың қыркүйек айы аралығында Ленгер ауданы мемлекеттік сақтандыру бөлімінің бухгалтері, 1961 жылдың қыркүйек айынан 1963 жылдың наурыз айы аралығында Ленгер ауданы халық сотының сот орындаушысы, 1963 жылдың сәуір айынан 1964 жылдың желтоқсан айы аралығында Ленгер ақпараттық есептік орталық инспекторы, 1964 жылдың желтоқсан айынан 1983 жылдың қыркүйек айы аралығында Ленгер ауданы халық сотының сот орындаушысы, 1983 жылдың қыркүйек айынан 1987 жылдың ақпан айы аралығында Ленгер мемлекеттік нотариалды конторасының нотариусы, 1987 жылдың ақпан айынан 1994 жылдың ақпан айы аралығында Сайрам аудандық халық сотының халық судьясы, 1994 жылдың ақпан айынан 2002 жылдың мамыр айы аралығында Төлеби аудандық сотының судьясы қызметтерін атқарған.
 

Әміров Мейрхан Әмірұлы 24.09.1949 жылы Оңтүстік Қазақстан облысы Отырар ауданында дүниеге келген. Еңбек жолын 1979 жылдың мамыр айынан Ленгір ауданы ауылшаруашылық басқармасының заңгер қызметінен бастаған. 1979 жылдың қазан айынан бастап 1986 жылдың қаңтар айы аралығында Ленгір ауданы ауылшаруашылық басқармасының аға заңгері, 1986 жылдың қаңтар айынан маусым айы аралығында РАПО Ленгір аппаратының аға заңгері, 1986 жылдың маусым айынан 1995 жылдың сәуір айы аралығында Шымкент облыстық адвокаттар алқасының мүшесі, 1995 жылдың сәуір айынан 1996 жылдың қараша айы аралығында Ордабасы аудандық халық сотының судьясы, 1996 жылдың қараша айынан 2003 жылдың қаңтар айы аралығында Ордабасы аудандық сотының судьясы қызметтерін атқарған. Қазақстан Республикасы Президентінің 15 қаңтар 2003 жылғы №1015 санды Жарлығымен Оңтүстік Қазақстан облыстық сотының судьясы қызметіне тағайындалып 2012 жылдың желтоқсан айына дейін атқарған. Әміров Мейрхан Әмірұлы сот саласында 17 жылдан астам уақытта судья лауазымын абыроймен атқарды. Соттың қоғамдық жұмыстарына белсене араласып, сот әділдігін жүзеге асыру барысында өзінің қызметтік міндеттерін жауапкершілікпен орындады. Қазақстан Республикасы Жоғарғы Сотының жанындағы сот әкімшілігі жөніндегі комитетінің «Құрмет грамотасымен», Қазақстан Республикасы Жоғарғы Соты Төрағасының «Алғысымен», Қазақстан Республикасы Судьялар Одағы Төрағасының «Құрмет грамотасымен», Қазақстан Республикасы Президентінің «Қазақстан Республикасының Тәуелсіздігіне 20 жыл мерекелік медалімен», Оңтүстік Қазақстан облыстық соты Төрағасының «Құрмет грамотасымен», Қазақстан Республикасы Судьялар одағының «Алғысымен» марапатталған.

Қамытбай Сыпабек Қамытбайұлы, 12 қараша 1950 жылы туылған, білімі жоғары - заңгер, өзінің еңбек жолын 1967 жылдың мамыр айынан бастап 1969 жылдың мамыр айы аралығында Қасқасу Ленгір аудандық колхозының трактор жүргізушісі қызметінен бастаған. 1971 жылдың тамыз айынан 1972 жылдың маусым айы аралығында Қасқасу Ленгір аудандық колхозының жұмысшысы, 1972 жылдың қыркүйек айынан 1975 жылдың тамыз айы аралығында СМУ №16 трест «Алмаатакульстройбытстрой» каменшигі, 1975 жылдың тамыз айынан 1976 жылдың тамыз айы аралығында Қазақ ССР ІІД қызметкері, 1976 жылдың қыркүйек айынан 1977 жылдың маусым айы аралығында СМУ №16 трест «Алмаатакульстройбытстрой» каменшигі, 1977 жылдың шілде айынан 1980 жылдың желтоқсан айы аралығында Пахтаарал ауданы ауыл шаруашылық басқармасының аға заңгері, 1980 жылдың желтоқсан айынан 1982 жылдың маусым айы аралығында Пахтаарал ауданының нотариусы, 1982 жылдың маусым айынан 1986 жылдың қазан айы аралығында Пахтаарал халық сотының судьясы, 1986 жылдың қазан айынан 2002 жылдың қыркүйек айы аралығында Оңтүстік Қазақстан облыстық сотының судьясы, 2002 жылдың қыркүйек айынан 2005 жылдың қараша айы аралығында Мақтаарал аудандық сотының төрағасы, Қазақстан Республикасы Президентінің 21 қараша 2005 жылғы №1674 санды Жарлығымен Оңтүстік Қазақстан облыстық сотының судьясы қызметін атқарған. Қамытбай Сыпабек Қамытбайұлы сот саласында 30 жылдан астам уақытта істерді қарауда заң талаптарын дұрыс қолданып, сапалы қараған тәжірибелі, білікті судья. Қазақстан Республикасы Жоғарғы Соты Төрағасының «Алғысымен», Қазақстан Республикасы Судьялар Одағы Төрағасының «Құрмет грамотасымен», Қазақстан Республикасы Президентінің «Қазақстан Республикасының Тәуелсіздігіне 10 жыл мерекелік медалімен», «Қазақстан Республикасының Конституциясына  10 жыл мерекелік медалімен», Оңтүстік Қазақстан облыстық соты Төрағасының «Құрмет грамотасымен», Көптеген жылдар бойы сот жүйесінде қызмет атқарып, өз қызметтік міндеттерін сапалы әрі мүлтіксіз атқарғаны үшін 2013 жылы Қазақстан Республикасы Судьялар одағының «Сот жүйесінің құрметті қызметкері" белгісімен» марапаталған.
 

Кузьмина Ирина Григорьевна, 1933 жылы Ресей Федерациясының Свердловск облысында инженер отбасында дүниеге келген. 1951-1955 жылдары аралығында Алматы қаласындағы заң институтында оқыды, әрі қарай Қырғыз ССР-ң прокуратурасына жұмысқа жолданады, әрі қарай Фрунзе қаласында тергеуші қызметін атқарады. Отбасы жағдайларымен Хабаровск қаласына келіп, 1957-1974 жылдары аралығында Хабаровск қаласындағы ІІМ-ң мектебінде құқық пәні бойынша мұғалім қызметін атқарады. 1974 жылы Шымкент қаласына ауысу себебімен, Шымкент қаласындағы ІІМ-ң мектебінде жұмысын 1978 жылға дейін жалғастырады. 1978-1982 жылдар аралығында Абай аудандық заң бөлімінің адвокат қызметін атқарады. 1982-1988 жылдар аралығында Чимкент облыстық сотының судья қызметін атқарды.    

Садықова Роза Маслахатқызы 09.05.1956 жылы Оңтүстік Қазақстан облысы, Түркістан ауданында дүниеге келген. Еңбек жолын 1973 жылдың шілде айынан Киров атындағы колхозының жұмысшысы қызметінен бастаған. 1974 жылдың қараша айынан 1975 жылдың қыркүйек айы аралығында М.Киров атындағы мемлекеттік университетінің тыңдаушысы, 1975 жылдың қыркүйек айынан 1980 жылдың маусым айы аралығында М.Киров атындағы мемлекеттік университетінің студенті. 1980 жылдың желтоқсан айынан 1997 жылдың маусым айы аралығында Шымкент облыстық сотының аға кеңесшісі, 1997 жылдың маусым айынан 2013 жылдың сәуір айына дейін Оңтүстік Қазақстан облыстық сотының судьясы қызметін атқарды. Қазақстан Республикасы Судьялар Одағы Төрағасының «Құрмет грамотасымен», Оңтүстік Қазақстан облыстық соты төрағасының «Алғысымен» хаттарымен бірнеше рет марапатталған. Сот саласында 31 жылдан астам уақыт бойы, оның ішінде 15 жылдан астам уақыт судья лауазымын абыроймен атқарған.
 

Марченко Светлана Георгиевна 26 қараша 1954 жылы Ресей Федерациясы Сахалинск облысында туылған. Еңбек жолын 1972 жылдың шілде айынан Хабаровск аумағы химфарм зауытының жұмысшысы қызметінен бастаған. 1973 жылдың қаңтар айынан ақпан айы аралығында Хабаровск аумағының ЖЭО-1 аппаратшысы, 1973 жылдың ақпан айынан қыркүйек айы аралығында Хабаровск аумағының «Дальэнергомонтаж» кадр бөлімінің инспекторы, 1973 жылдың қазан айынан 1975 жылдың шілде айы аралығында Шымкент қаласы №1 ЖЭО машинисті, мотористі, 1975 жылдың қыркүйек айынан 1978 жылдың маусым айы аралығында ішкі істер органында қызмет еткен. 1979 жылдың желтоқсан айынан 1980 жылдың шілде айы аралығында «Казгалантерейторг» базасының заң кеңесшісі, 1980 жылдың шілде айынан 1983 жылдың қараша айы аралығында №3 Автокомбинатының заң кеңесшісі, 1983 жылдың желтоқсан айынан 1988 жылдың наурыз айы аралығында кардандық вал зауытының аға заң кеңесшісі, 1988 жылдың сәуір айынан 1990 жылдың мамыр айы аралығында кардандық вал зауытының заң кеңесшісі, 1990 жылдың мамыр айынан 1994 жылдың қазан айы аралығында Шымкент облысының мемлекеттік арбитрі, 1994 жылдың қазан айынан 1996 жылдың қазан айы аралығында Оңтүстік Қазақстан облысы арбитраждық сотының судьясы қызметтерін атқарған.
1996 жылдың қазан айынан 2012 жылдың желтоқсан айына дейін Оңтүстік Қазақстан облыстық сотының судьясы қызметін абыроймен атқарды. «Қазақстан Конституциясына 10 жыл» төсбелгісімен, «Сот жүйесі мен судьяларының мәртебесі туралы» Заңының 10-жылдығына орай Оңтүстік Қазақстан облысы әкімінің «Грамотасымен», Оңтүстік Қазақстан облыстық соты төрағасының «Құрмет грамотасымен», «Алғысымен» марапатталған. Марченко Светлана Георгиевна сот саласында 22 жылдан астам уақытта істерді қарауда заң талаптарын дұрыс қолданып, сапалы қараған  тәжірибелі, білікті судья.
 

Тәшенова Қалима Шенгелбайқызы 2 қаңтар 1951 жылы туылған. Заң саласындағы еңбек жолын 1973 жылдың шілде айынан 1976 жылдың тамыз айы аралығында Жамбыл облысы, Жаңатас қаласы прокурорының көмекшісі қызметінен бастаған. 1976 жылдың тамыз айынан 1979 жылдың шілде айы аралығында Жамбыл облысы, Жаңатас қаласы прокуратурасының аға тергеушісі, 1979 жылдың шілде айынан 1981 жылдың сәуір айы аралығында Жамбыл облысы, Жаңатас қаласы прокурорының көмекшісі, 1981 жылдың сәуір айынан 1982 жылдың қыркүйек айы аралығында Жамбыл облысы, Жаңатас қаласы прокурорының аға көмекшісі, 1982 жылдың қыркүйек айынан 1983 жылдың сәуір айы аралығында Прокуратурада соттың қылмыстық істер қаралуын қадағалау бөлімінің прокуроры, 1983 жылдың сәуір айынан 1989 жылдың ақпан айы аралығында Шымкент облыстық партия комитетінің әкімшілік органы бөлімінің инструкторы, 1989 жылдың ақпан айынан 1996 жылдың қараша айы аралығында Шымкент қаласы Дзержинский аудандық халық сотының судьясы, 1996 жылдың қараша айынан 1997 жылдың сәуір айы аралығында Шымкент қалалық сотының судьясы, 1997 жылдың сәуір айынан 2001 жылдың қыркүйек айы аралығында Шымкент қалалық соты Еңбекші сот учаскесінің судьясы, 2001 жылдың қыркүйек айынан 2005 жылдың шілде айы аралығында Шымкент қаласы №3 сотының судьясы, 2005 жылдың шілде айынан 2009 жылдың мамыр айы аралығында Шымкент қаласы Еңбекші аудандық сотының судьясы қызметтерін атқарған. 20 жылдан астам уақыт судья лауазымын абыроймен атқарған. Қазақстан Республикасы Жоғарғы Соты Төрағасының «Құрмет грамотасымен», Оңтүстік Қазақстан облыстық соты төрағасының «Алғысымен» хаттарымен бірнеше рет марапатталған. Қызмет атқарған жылдары өзін жақсы жағынан таныта білген, өзінен кейінгі жас судьяларға үлгі болған қызметкер.
 

Стаценко Людмила Константиновна еңбек жолын 1971 жылдың сәуір  айынан бастап «Радиатор» зауытының техникалық бақылау бөлімінің контролері қызметінен бастаған.1972 жылдың шілде айынан 1975 жылдың тамыз айы аралығында «Оренбурггазстрой» құрылыс басқармасы №3 трестінің әдіскері, 1975 жылдың тамыз айынан 1976 жылдың қыркүйек айы аралығында «Роскульторг» базасының кадрлар бөлімінің инспекторы, 1976 жылдың қазан айынан 1977 жылдың тамыз айы аралығында «Оренбургпромстрой» №3 ЖКК үй басқармасының паспортшысы, 1977 жылдың тамыз айынан осы жылдың желтоқсан айы аралығында «Оренбурггазстрой» құрылыс басқармасы №2 трестінің кадр бөлімінің аға инспекторы, 1978 жылдың қаңтар айынан 1980 жылдың қазан айы аралығында Кентау трансформатор зауытының заңгер кеңесшісі, 1980 жылдың қазан айынан 1981 жылдың қаңтар айы аралығында Шымкент сүт өндірістік бірлестігінің заңгер кеңесшісі, 1981 жылдың қаңтар айынан 1988 жылдың ақпан айы аралығында «Ачполиметалл» комбинатының заңгер кеңесшісі, 1988 жылдың ақпан айынан 1994 жылдың сәуір айы аралығында «Миргалимсайсвинецстрой»  трестінің заңгер кеңесшісі, 1994 жыдың сәуір айынан 1995 жылдың шілде айы аралығында Кентау адвокаттар алқасының адвокаты, 1995 жылдың шілде айынан 1996 жылдың қараша айына дейін Кентау халық сотының судьясы, 2007 жылдың шілде айы мен 2012 жылдың шілде айы аралығында Оңтүстік Қазақстан облыстық сотының судьясы қызметтерін атқарған. Стаценко Людмила Константиновна сот саласында 17 жылдан астам уақытта судья лауазымын абыроймен атқарып, облыстық соттың судьясы қызметінен (отставкіге) шыққан. Соттың қоғамдық жұмыстарына бүгінгі күнге дейін белсене араласып, қызметтегі судьяларға өзінің алған тәжірибесімен бөлісіп отыратын, беделді ардагер судья. Көптеген жылдар бойы сот жүйесінде қызмет атқарып, өз қызметтік міндеттерін сапалы әрі мүлтіксіз атқарғаны  үшін «Судьялар одағының Құрметті мүшесі» құрмет белгісімен марапатталған.

Балкен Темір 24 ақпан 1950 жылы Оңтүстік Қазақстан облысы Түркістан қаласында  дүниеге келген. Қазақ Мемлекеттік Уневерситетін (ҚазМУ) 1974 жылы құқықтану мамандығы бойынша бітірген. Білімі жоғары-заңгер. Өзінің еңбек жолын 1974 жылдың қыркүйек айынан 1975 жылдың маусым айына дейін Түлкібас аудандық прокуратурасында сынақ мерзімінен (стажер) өтуші болып бастады. 1975 жылдың маусым айынан қыркүйек айына дейін Арыс қаласы прокуроры көмекшісінің міндетін атқарды, 1975 жылдың қыркүйек айынан 1978 жылдың қараша айына дейін Арыс қаласы прокуратурасының аға тергеушісі, 1978 жылдың қараша айынан 1981 жылдың ақпан айына дейін Кентау қаласы прокуратурасының тергеушісі, 1981 жылдың ақпан айынан 1985 жылдың тамыз айына дейін Кентау қалалық прокуроры қызметін атқарған. 1985 жылдың қыркүйек айынан 1987 жылдың маусым айына дейін Кентау қалалық сотының төрағасы, 1987 жылдың шілде айынан 1989 жылдың қараша айына дейін Облыстық сот мүшесі. 1989 жылдың қараша айынан 1990 жылдың мамыр айына дейін Түркістан қалалық халық сотында судья болып міндетін атқарды. 1990 жылдың мамыр айынан 1996 жылдың қараша айына дейін Түркістан қалалық халық сотының төрағасы, 1996 жылдың қараша айынан 2000 жылдың ақпан айына дейін Түркістан қалалық халық сотының төрағасы, 2000 жылдың ақпан айынан 2002 жылдың маусым айына дейін Түлкібас аудандық сотының төрағасы, 2002 жылдың маусым айынан 2007 жылдың мамыр айына дейін Созақ аудандық сотының төрағасы, 2007 жылдың мамыр айынан 2008 жылдың маусым айынан Түркістан қалалық сотының судьясы болып қызмет атқарған.
 

Калдарова Акмарал Бейсеновна 25 қыркүйек 1953 жылы Оңтүстік Қазақстан облысы, Шымкент қаласында дүниеге келген.
Қазақ Мемлекеттік Уневерситетін (ҚазМУ) 1976 жылы құқықтану мамандығы бойынша бітірген. Білімі жоғары-заңгер. Өзінің еңбек жолын  1970 жылы Чимкент облыстық прокуратурасында курьер ретінде бастаған. 1971 жылдың тамыз айынан 1977 наурыз айына дейін облыстық прокуратурасында кеңсе хатшысы, 1977 жылдың наурыз айынан қазан айына дейін Еңбекші аудандық прокуратурасында сынақ мерзімін өтуші (стажер), 1977 жылдың қазан айынан 1979 жылдың сәуір айына дейін Еңбекші аудандық прокуратурасында тергеуші, 1979 жылдың сәуір айынан 1982 жылдың шілде айына дейін прокурор көмекшісі болып істеген. 1982 жылдың шілде айынан 1993 жылдың наурыз айына дейін Шымкент облыстық сотының мүшесі, 1993 жылдың наурыз айынан 1996 жылдың қараша айына дейін Шымкент қаласы Абай ауданының халық судьясы, 1996 жылдың қараша айынан 2000 наурыз айына дейін Шымкент қалалық сотының судьясы, 2000 жылдың наурыз айынан 2011 жылдың қыркүйек айына дейін Оңтүстік Қазақстан облыстық сотының судьясы қызметтерін атқарған.
 

Қалықұлов Өміртай 31 желтоқсан 1938 жылы Оңтүстік Қазақстан облысы, Түлкібас ауданында дүниеге келген. Қазақ Мемлекеттік Уневерситетін (ҚазМУ) 1971 жылы құқықтану мамандығы бойынша бітірген. Білімі жоғары-заңгер. Өзінің еңбек жолын 1958 жылы тамыз айынан 1967 жылдың наурыз айына дейін Оңтүстік Қазақстан облысы, Түлкібас ауданы «Красная звезда» к/з колхозшы болып бастады. 1967 жылдың наурыз айынан 1969 жылдың тамыз айына дейін Түлкібас ауданы мәдениет клубының меңгерушісі, 1969 жылдың тамыз айынан 1969 жылдың желтоқсан айына дейін Түлкібас аудандық тұтыну одағының заңгер кеңесшісі болды. 1970 жылдың ақпан айынан 1974 жылдың наурыз айына дейін Түлкібас ауданы, Жданов атындағы мекетепте мұғалім, 1975 жылдың қараша айынан 1977 жылдың наурыз айына дейін Түлкібас нотариалды конторының нотариусы қызметін атқарды. 1982 жылдың маусым айына дейін Түркістан қаласы сотының халық судьясы, 1982 жылдың маусым айынан 2001 жылдың қыркүйек айына дейін Келес ауданы сотының төрағасы. 2001 жылдың қыркүйек айынан 2002 жылдың мамыр айына дейін Сарыағаш №2 аудандық сотының судьясы қызметінде болды.
 

Павлова Наталья 22 қазан 1953 жылы Түлкібас ауданы, Оңтүстік Қазақстан облысында дүниеге келген. Қазақ Мемлекеттік Уневерситетін (ҚазМУ) 1977 жылы құқықтану мамандығы бойынша бітірген. Білімі жоғары-заңгер. Өзінің еңбек жолын 1970 жылы Түлкібас ауданы №78 бала бақшада тәрбиеші болып бастайды. 1972 жылдыңтамыз айынан 1977 жылдың маусым айына дейін С.М.Киров атындағы Қазақ Мемлекеттік Университетінің студенті, 1977 жылдың тамыз айынан 1981 жылдың сәуір айына дейін «Восход» Чимкент тігін фабрикасында заңгер-кеңесші. 1981 жылдың сәуір айынан 1982 жылдың қазан айына дейін Шымкент облыстық атқару комитетінде мемлекеттік арбитр, 1982 жылдың қазан айынан 1983 жылдың маусым айына дейін «Казмясомолторг» аға заңгер-кеңесші. 1983 жылдың маусым айынан 1987 жылдың маусым айына дейін Шымкент облыстық адвокаттар коллегиясының мүшесі, 1987 жылдың маусым айынан 1989 жылдың қыркүйек айына дейін Түлкібас ауданының халық судьясы, 1989 жылдың қыркүйек айынан 1993 жылдың қазан айына дейін Шымкент қаласы Абай аудандық халық сотының халық судьясы, 1993 жылдың қазан айынан 1994 маусым айына дейін Шымкент мемлекеттік фарминститутында заңгер-кеңесші, 1994 жылдың маусым айынан қазан айына дейін Оңтүстік Қазақстан облыстық арбитражды сотының кеңесшісі, 1994 жылдың қазан айынан 1996 жылдың қазан айына дейін Оңтүстік Қазақстан облыстық арбитражды сотының судьясы, 1996 жылдың 2011 жылдың қыркүйек айына дейін Оңтүстік Қазақстан облыстық сотының судьясы қызметтерін атқарған.