Сс, 05/05/2015 - 14:58
Сотталушы Р. 2015 жылдың 22 наурыз күні сағат 08:50 шамасында Шардара АІІБ-нің бақылап тексеру пунктінің алдында, яғни қоғамдық орында, спирттік ішімдік ішкен мас халде бола тұра, Шардара аудандық ішкі істер бөлімінің полиция капитаны А.-ны, оның нысанды киімде екендігін көре тұра, қызметтік міндеттерін атқару кезінде жаман сөздермен балағаттап, ар-намысына тиетін сөздермен қорлаған.
Содан кейін, сотталушы Р. Шардара АІІБ-нің ғимараты алдында, яғни қоғамдық орында, өзінің лауазымдық қызметін атқарып жүрген Шардара аудандық ішкі істер бөлімінің полиция сержанты У.-дың заңды талаптарына бағынбай, аты - жөнін айтудан және мастық күйін анықтау үшін медициналық куәландырудан өтуден бас тартып, қарсылық білдіріп, Қазақстан Республикасы Қылмыстық кодексінің 378-бабының 1-бөлігі және 379-бабының 1-бөлігімен айыпталған.
Сот үкімімен сотталушы Р. Қазақстан Республикасы Қылмыстық кодексінің 378-бабының 1-бөлігі және 379-бабының 1-бөлігімен айыпты деп танылып, оған 120 сағат мерзімге қоғамдық жұмыстарға тарту жазасы тағайындалды.
Үкім заңды күшіне енген жоқ.