Тараптардың араларындағы дау медиация тәртібімен реттелді

Созақ аудандық сотында талап қоюшы А-ның жауапкер Е-ден қарыз ақшаны өндіру туралы талап қою арызы бойынша қозғалған азаматтық іс қаралды.

Азаматтық істі сотта қарауға әзірлік барысында сот тараптарға медиаторлардың тізімі мен істі медиация тәртібімен реттеу мүмкіншілігінің бар екені жөнінде хабарлама жіберіп, тараптардың медиатормен шарт жасасуына байланысты іс тоқтамға алынған. Әрі қарай, тараптардың істі медиация тәртібімен реттеу жөніндегі келісімге келулеріне байланысты, іс қайта басталып, сот ұйғарымымен келісім бекітілу арқылы іс жүргізу тоқтатылды.

Соған байланысты, талапкерге төленген мемлекеттік баж қайтарылды. Бұл дауды медиация тәртібімен шешудің артықшылықтарының бірі болып табылады.

Осы азаматтық іс Қазақстан Республикасы Жоғарғы  Сотының Төрағасы бекіткен «Даулардың жекелеген санаттары бойынша дауларды (жанжалдарды) медиация тәртібімен сотқа дейінгі реттеуді енгізу бойынша пилоттық жоба» аясында қаралды.

Ұйғарым заңды күшіне енбеген.