Мемлекеттік қызметшілердің әдеп кодексі

Шардара аудандық сотында «Мемлекеттік қызметшілердің әдеп кодексі» тақырыбында семинар сабағы өткізілді.

Шараға кеңсе меңгерушісі С.Ибадуллаев және сот қызметкерлері  қатысты.

Кеңсе менгерушісі мемлекеттік қызметкерлер жұмыс уақыты мен одан тыс уақытта мемлекеттік қызмет жөніндегі заңдарды ұстанып, жалпы моральдық нормаларды сақтау керектігін айтты.

Қазақстан Республикасының мемлекеттік қызметкерлердің әдеп кодексі  халықтың мемлекеттік органдарға сенімін нығайтуға бағытталған.

Сондай-ақ, биылғы өткізілген мемлекеттік қызметкерлердің аттестациялануы әрбір қызметкердің кәсіптік деңгейінің көрсеткіші болатыны туралы айтылды.

Семинар соңында соттың әрбір қызметкері мемлекеттік қызметшінің әдеп кодексінің ережелерін, еңбек тәртібін қатаң сақтауды, қызметтік міндеттерін орындау кезінде  адал, әділ, қарапайым болуға, жұмыс уақытын ұтымды және тиімді  пайдалану  қажет екендігін үнемі басты назарда ұстауды тапсырды.