Бс, 03/04/2014 - 17:50
03.02.2014 жылы Түркістан қалалық сотында құқық бұзушы Ж.Е. қатысты әкімшілік ісі қаралды.
Құқық бұзушы Ж.Е. 08.09.2013 жылы сағат 14.30-дар шамасында, өзінің басқаруындағы «Мерседес Бенс 190» маркалы м/б 417 DWA 13 санды автокөлігімен Түркістан қаласы, Қазыбек би көшесі, №188 үйдің тұсында жүргізуші Б.Қ. басқаруындағы «Ваз 21074» маркалы м/б Х 580 UВМ санды автокөлігін соғып жол көлік оқиғасын жасаған, соның салдарынан Б.Қ. «орта» дәрежелі дене жарақатын алған, жол қозғалысы ережелерін 10.2 тармағын бұзып, Қазақстан Республикасының ӘҚБтК-нің 468-1 бабында көрсетілген әкімшілік құқық бұзушылық жасаған.
Құқық бұзушы Ж.Е. сот отырысында өз кінәсін мойындап, өкінетіндігін айтып көрсетті.
Сот Ж.Е.-ні Қазақстан Республикасының ӘҚБтК-нің 468-1 бабымен кінәлі деп танып, оны осы баппен 3 тәулікке әкімшілік қамауға алып, бір жыл мерзімге көлік құралын жүргізу құқығынан айыру жазасын тағайындауға қаулы етті.
Қаулы заңды күшіне енген.
Түркістан қалалық сотының баспасөз қызметі