Сарыағаш ауданы №2 аудандық сотында талап қоюшы А.-ның жауапкер И.-ден қарыз ақша өндіру туралы азаматтық ісі бойынша адвокаттардың қатысуымен партисипативтік келісім бекітілді.
Іс материалдарына сәйкес, талап қоюшы М. жауапкер Е.-ден 1 000 000 теңге қарыз ақшаны және мемлекеттік бажға төлеген 10 000 теңгені өндіруді сұраған.
13 сәуір 2016 жылы Кентау қалалық сотында судьялардың, прокуратура, Кентау қаласының заң кеңесханасы, «Қазақтелеком» АҚ-ның, «Кентау сервис» МКК-ның өкілдерінің, сонымен бірге кәсіпқой емес медиаторлар және БАҚ-тың өкілдерінің қатысуларымен «Медиация» тақырыбында дөңгелек үстел өткізілді.
Сарыағаш ауданының мамандандырылған әкімшілік сотында Қазақстан Республикасы ӘҚБтК-нің 434-бабының 1-бөлігімен азамат Н.А. қатысты әкімшілік ісі қаралды.
Шымкент қаласының мамандандырылған әкімшілік сотының қаулысымен Шымкент қаласының тұрғыны С.Н. Қазақстан Республикасының ӘҚБтК-нің 282-бабының 3-бөлімі 7-тармағымен кінәлі деп танылып, оған 159 075 теңге мөлшерінде әкімшілік айыппұл салынды.
Талапкер А. Шымкент қаласының Абай аудандық сотына «Евразиялық Банк» АҚ-на өзінің жалақы алатын есеп шотына салынған тиымды босатуды сұраған.
Істі қарау барысында анықталғандай, талапкер Банктен несие алып, осы несиені мерзімінде төлей алмай, Банк талапкердің есеп шотын жауып тастаған. Талапкер бір жыл көлемінде айлық жалақысын ала алмай жүрген.
Оңтүстік Қазақстан облысының мамандандырылған ауданаралық экономикалық сотының 01.04.2016 жылғы шешімімен «Кәсіби әскерилендірілген авариялық-құтқару қызметі» шаруашылық жүргізу құқығындағы Республикалық мемлекеттік кәсіпорнының жауапкер «Түлкібас әк зауыты» ЖШС-нен 1 277 758 теңге қарызды өндіру туралы талап арызы бойынша іс сот өндірісінде оңайлатылған іс жүргізу тәртібімен қаралып, талап қанағаттандырылған.
Оңтүстік Қазақстан облысының кәмелетке толмағандардың істері жөніндегі мамандандырылған ауданаралық соты Д.-ға қатысты Қазақстан Республикасының ӘҚБтК-нің 127-бабының 1-бөлігімен әкімшілік құқық бұзушылық туралы істі қарады.
Шымкент қаласының Қаратау аудандық сотында талапкер П.А.-ның жауапкерлер Шымкент қаласы әкіміне, «Шымкент қаласының жер қатынастары бөлімі» ММ-не Шымкент қаласы әкімінің 18.01.2016 жылғы №37 санды қаулысын заңсыз деп танып, жер учаскесін беру жайлы арызын негізінен қарауды міндеттеу туралы азаматтық іс қаралды.
Оңтүстік Қазақстан облысы Шымкент қаласының Абай аудандық сотында талапкер А.-ның жауапкер К.-ға қолхат бойынша қарыз ақша өндіру туралы талап арызы бойынша азаматтық іс қаралды.
Істі қарау барысында тараптар судьяның қатысуымен медиация тәртібінде дауды реттеу жөнінде келісімге қол жеткізді.
Шымкен қаласының мамандандырылған әкімшілік сотының қаулысымен Шымкент қаласының тұрғыны М.Р. Қазақстан Республикасы ӘҚБтК-нің 463- бабының, 1-бөлімімен кінәлі деп танылып, оған 159 075 теңге мөлшерінде әкімшілік айыппұл салынды.
Сайрам аудандық сотында талапкер Р.С.-ның жауапкер Ғ.Д.-дан материалдық шығынды өндіру туралы талап арызы бойынша азаматтық іс, тараптар медиация тәртібімен келісімге келулеріне байланысты өндірістен қысқартылды. Келісімге сай, жауапкер 15.05.2016 жылға 150 000 тенге көлемінде материалдық залалды толтыруға міндеттеме алды, ал талапкер болса осыған қанағат тұтып, өз кезегінде талап арыздан бас тартты.
Құқық бұзушы С.А. 27.01.2016 жылы өзінің иелігіндегі маркасы «Daewoo Nexіa»» автокөлігін Мақтаарал ауданы Жетісай қаласы Әуезов көшесінің бойында көлік құралын жүргізу құқығы жоқ бола тұра, мас халде басқарған.
Шымкент қаласының Қаратау аудандық сотында талапкер Т.К.-ның жауапкерлер Н.У.-дан және «Каз Медео Гранд» ЖШС-нен 37000 АҚШ долларын өндіру туралы талап арызы бойынша азаматтық іс қаралып, дау тараптардың қорғаушыларының қатысуымен партисипативтік рәсім тәртібімен реттелді.
Шардара аудандық соты Қазақстан Республикасы ҚК-нің 131-бабының 1-бөлігі бойынша азамат Т.-ны ұялы телефон арқылы жаман сөздермен балағаттап, ар-намысына тиетін былапыт сөздер айтып, қадір-қасиетін қорлаған сотталушы А.-ға қатысты қылмыстық істі қарады.
Сот отырысында сотталушы кінәсін толық мойындады.
ОҚО Сарыағаш аудандық сотында жекеше айыптау шағымы бойынша қылмыстық істі қарау нәтижесінде ерлі-зайыпты К.-ларға қатысты ақтау үкімі шығарылды.
Жеке айыптаушы Н.Х. сотқа өзін бас араздық салдарынан ұрып-соғып, денсаулығына жеңіл зиян келтіріп, қорлағаны үшін өзінің қайын ағасы А.К. мен оның жұбайы Б.К.-ға қатысты шағым түсірген.
Оңтүстік Қазақстан облысының мамандандырылған ауданаралық экономикалық сотының ұйғарымымен талапкер «Өндірістік компания «Шымкентдорстрой» ЖШС-нің «Eraproektstroy» ЖШС-не қарыз сомасын өндіру туралы азаматтық іс бойынша бітімгершілік келісім бекітілді .
Түркістан облыстық соты