Ср, 21/01/2015 - 09:42
17.12.2014 жылы Шардара су қоймасының Қызылқұм ауылдық округі аумағы жағалауында, Мақтарал аудандық ішкі істер басқармасына қарасты 1-ПБ-нің табиғат қорғау инспекторы және прокуратура қызметкерлері тарапынан экологиялық құқық бұзушылыққа қарсы жедел профилактикалық рейд жасау барысында, сол ауылдың тұрғыны К.Пердебаев, Шардара су қоймасының жағалауында өсіп тұрған «Тораңғыл» ағашын, жанар-жағар маймен жұмыс істейтін, маркасы «STLHE» арамен заңсыз кесіп құлатып, бөлшектеп, трактор тіркемесіне тиеп жатқан кезінде ұсталған.
Сот отырысында құқық бұзушы К.Пердебаев, өзіне тағылған кінәсін толық мойындап, істеген іс-әрекеттеріне қатты өкінетіндігін айта келе, соттан жеңіл жаза беруді сұрады.
Өсіп тұрған ағашты заңсыз кескені үшін құқық бұзушыға сот қаулысымен айыппұл салынып, құқық бұзушылық құралдары мемлекет пайдасына тәркіленді.